The Sahara Desert: சஹாராவில் 52 அடி நீளமுள்ள பாப்பிரஸ் புத்தகம் (Book of the Dead) கண்டுபிடிக்கப்பட்டது..!
The Sahara Desert: சஹாராவில் 52 அடி நீளமுள்ள பாப்பிரஸ் புத்தகம் (Book of the Dead) கண்டுபிடிக்கப்பட்டது..!
எகிப்தில் உள்ள தொல்பொருள் ஆராய்ச்சியாளர்கள், 52 அடி (16 மீட்டர்) நீளமுள்ள பாப்பிரஸ்ஸைக் கண்டுபிடித்தனர்.
பாப்பிரஸ்(Papyrus) என்பது தடிமனான காகிதத்தைப் போன்ற ஒரு பொருளாகும்.
The Sahara Desert:
இது பண்டைய காலத்தில் எழுதும் மேற்பரப்பாகப் பயன்படுத்தப்பட்டது.
2,000 ஆண்டுகளுக்கு மேலான பழமையான ஆவணம் சகாராவில் உள்ள ஜோசரின்(Djoser) பிரமிடுக்கு தெற்கே உள்ள கல்லறையில் ஒரு சவப்பெட்டியிலிருந்துக் கண்டுபிடிக்கப்பட்டது.
தி புக் ஆஃப் தி டெட் (The Book of the Dead)லிருந்து பல நூல்கள் கண்டுபிடிக்கப்பட்டுள்ளன.
ஜனவரி 14 எகிப்திய தொல்பொருள் ஆராய்ச்சியாளர்கள் தினத்தைக் குறிக்கும் நிகழ்வில் வெளியிடப்பட்ட, மொழிப்பெயர்க்கப்பட்ட அறிக்கையில் பாதுகாப்புப் பணிகள் ஏற்கனவே முடிந்துவிட்டது,
மேலும் பாப்பிரஸ் அரபு மொழியில் மொழி பெயர்க்கப்பட்டுள்ளது என்றும் குறிப்பிடப்பட்டுள்ளது.
கிட்டத்தட்ட 100 ஆண்டுகளுக்கும் மேலாக சகாராவில் கண்டுபிடிக்கப்பட்ட முழுமையான முதல் பாப்பிரஸ் (Papyrus) இதுவாகும் என்று பழங்காலத்தின் உச்ச கவுன்சிலின் பொதுச்செயலாளர் முஸ்தபா வஜிரி(Mustafa Waziri) கூறியுள்ளார் .
டிஜோசரின் கூற்றுப்படி பிரமிடு, பார்வோன் டிஜோசரின்(Pharaoh Djoser) ஆட்சியின் போது கட்டப்பட்டதாகும் (இதன் ஆட்சி காலம் கி.மு 2630 முதல் கி.மு 2611 வரை) மற்றும் இது எகிப்தியர்களால் கட்டப்பட்ட முதல் பிரமிடாகும்.
பிரமிடைச் சுற்றியுள்ளப் பகுதி ஆயிரக்கணக்கான ஆண்டுகளாக அடக்கம் செய்யப் பயன்பட்டுள்ளது.
உண்மையில், புதிதாகக் கண்டுபிடிக்கப்பட்ட பாப்பிரஸ் கொண்ட சவப்பெட்டி, எகிப்திய பழங்கால அமைச்சருக்கு சொந்தமானதாகும் எனக் குறிப்பிடப்பட்டுள்ளது.
ஆனால் பாப்பிரஸ் யாருடையது என்ற தகவல் மற்றும் அதன் சரியான தேதி விரைவில் அறிவிக்கப்படும் என்று ஹவாஸ்(Hawass) கூறியுள்ளார்.
Book of the Dead:
இறந்தவர்கள் பிற நோக்கங்களுக்காக பாதாள உலகில் செல்ல உதவியதாக எகிப்தியர்கள் நம்பிய தொடர் நூல்களுக்கு, நவீன காலப் பெயர்தான் “இறந்தவர்களின் புத்தகம்(Book of the Dead)”.
அவை புதிய அரசாட்சியின் போது அதிகமாகப் பயன்படுத்தப்பட்டது.
புதிய அரசாட்சியின் ஆண்டு காலம் சுமார் 1550 கி.மு. முதல் கி.மு.1070 வரையாகும்.
52 அடி நீளமான இந்த “புக் ஆஃப் தி டெட் (Book of the Dead)” எகிப்தின் சிறந்த எடுத்துக்காட்டாகும்.
பல கையெழுத்துப் பிரதிகள் நீண்டதாக இருந்திருக்கும், ஆனால் பண்டைய எகிப்திய மத நூல்களின் பாப்பிரஸ் கையெழுத்துப் பிரதிகள் மிகவும் வியத்தகு முறையில் மாறுபடும் என்று சிகாகோ பல்கலைக்கழகத்தின் ஆராய்ச்சிக் காப்பகங்களின் தலைவர் ஃபோய் ஸ்கால்ஃப் கூறினார்.
சமீபத்திய கண்டுபிடிப்பில் ஈடுபடாத மற்றும் எகிப்தியலில் முனைவர் பட்டம் பெற்ற ஸ்கால்ஃப்(Scalf), “புக் ஆஃப் தி டெட் (Book of the Dead)” சுருள்கள் 98 அடி (30 மீ) நீளம் கொண்டவை என்று குறிப்பிட்டுள்ளார்.
What is Papyrus in History?
இரண்டாவது பாப்பிரஸ் (Papyrus):
கடந்த ஆண்டில் சகாராவில் கண்டெடுத்த ‘இறந்தவர்களின் புத்தகம்’ என்னும் நூல் இரண்டாவது பாப்பிரஸாக தோன்றுகிறது.
2022 ஆம் ஆண்டில், 13-அடி நீளமுள்ள (4 மீ) துண்டு துண்டான இந்த பாப்பிரஸ் சகாராவில், பார்வோன் டெட்டியின்(Pharaoh Teti) பிரமிடுக்கு அருகிலுள்ள ஒரு புதைகுழியிலிருந்து கண்டுபிடிக்கப்பட்டது.
அதில் அதன் உரிமையாளரின் பெயர், “Pwkhaef” என்று எழுதப்பட்டிருந்ததாகக் குறிப்பிடப்பட்டுள்ளது.
இத்தகைய பாப்பிரஸ் (Papyrus) கண்டுபிடிக்கப்பட்ட புதைகுழிகள், எகிப்தின் 18 மற்றும் 19 வது வம்சத்தைச் சேர்ந்தவையாகும்.
அதன் ஆண்டு காலம் சுமார் கி.மு 1550 முதல் கி.மு 1186 வரையாகும்.
Also Read: Genetic Diseases: மரபணு நோய்களை கண்டறிய உதவும் அவதார் படத்தின் தொழில்நுட்பம்..!
சுற்றுலா மற்றும் தொல்பொருட்கள் அமைச்சகத்தின், எகிப்திய தொல்பொருள் ஆராய்ச்சியாளர்கள் குழுவால் இது கண்டுபிடிக்கப்பட்டது.
இது பழங்கால ஆவணத்தின் படங்களை இன்னும் வெளியிடவில்லை.
விரைவில் எகிப்திய அருங்காட்சியகத்தில் பாப்பிரஸ் (Papyrus) காட்சிக்கு வைக்கப்படும் என தகவல்கள் தெரிவிக்கின்றன.
