Sugarcane Juice: கோடை காலத்தில் Sugarcane Juice..! குடிப்பதால் என்ன நன்மைகள்..!
Sugarcane Juice: கோடை காலத்தில் Sugarcane Juice..! குடிப்பதால் என்ன நன்மைகள்..!
கோடை காலம் துவங்கிவிட்டது. அதிக அளவில் நீர் அருந்த வேண்டிய நேரம் இது.
பழரசங்களையும் அதிகமாக இந்த நேரத்தில் உட்கொள்வதால், உடலுக்கு நன்மை கிடைக்கும்.
கோடை காலத்தில் கரும்புச்சாறு நம் உடலுக்கு பலவித நன்மைகளை அளிக்கின்றது.
இது உடலுக்கு குளிர்ச்சியை அளிப்பது மட்டுமல்லாமல், குடிக்க சுவையாகவும் இருக்கிறது.
உடலில் உஷ்ணத்தையும், எரிச்சலையும் ஏற்படுத்தும் வெயில் காலத்தில் கரும்புச்சாறு(Sugarcane Juice) அமிர்தத்தைப் போல நிவாரணம் அளிக்கின்றது.
கரும்பில் வைட்டமின் மற்றும் கனிமச்சத்துக்கள் அதிகம் உள்ளது. அதிலும் பாஸ்பரஸ், இரும்புச்சத்து, பொட்டாசியம், கால்சியம் மற்றும் மக்னீசியம் போன்றவை உள்ளது.
இவை வயிற்றுக்கு மிகவும் நன்மை பயக்கும். கரும்புச்சாற்றின் மற்ற நன்மைகளைப் பற்றி இங்கே காணலாம்.
கரும்பில் இயற்கையாக உள்ள அல்கலைன் என்னும் பொருள், புற்றுநோயை குணப்படுத்தும் தன்மையுடையது. குறிப்பாக பெருங்குடல், நுரையீரல் அல்லது மார்பக புற்றுநோய் போன்றவற்றிற்கு சிறந்தது.
கரும்புகளில் இயற்கையாகவே சுக்ரோஸ் நிறைந்துள்ளது. இது உடலில் ஆற்றலை நிரப்புகிறது.
பெரும்பாலும், சூடு அதிகமாக இருக்கும் நாளில், வெப்பநிலை அதிகமாக இருப்பதன் காரணமாக, வியர்வை வெகுவாக வெளியேறி அது நீரிழப்பை உண்டாக்குகிறது.
இந்த நேரத்தில், கரும்புச்சாற்றை உட்கொள்வது உங்களுக்கு அதிகப்படியான ஆற்றலை அளிப்பதோடு, உடலுக்குத் தேவையான உற்சாகத்தையும் சக்தியையும் தருகிறது.
சிறுநீர் கழிக்கும்போது சிலருக்கு எரிச்சலும் வலியும் ஏற்படுவதுண்டு. கரும்புச்சாறு இந்த பிரச்சனைகளை தீர்க்க உதவும். மேலும், சிறுநீரக கல் (Kidney stones) உள்ளவர்களுக்கும் கரும்புச்சாறு நல்ல பயன்களை அளிக்கும்.
கரும்புச்சாறு செரிமானத்திற்கும் மிகவும் நல்லதாகக் கருதப்படுகின்றது. இந்த சாற்றில் இயற்கை பொட்டாசியம் மற்றும் நார்ச்சத்து உள்ளது.
இது வயிற்றை லேசாக வைத்து செரிமானத்தை மேம்படுத்துகிறது. மலச்சிக்கலால் பாதிக்கப்பட்டவர்கள் கரும்புச்சாற்றையும் எடுத்துக் கொண்டால் நல்ல நிவாரணம் கிடைக்கும்.
Also Read: Fruit Benefits பல்வேறு நோய்களை குணப்படுத்த உதவும் நாவல் பழம்..!
கரும்பு சாறு குடிப்பதால் நீரிழிவு நோயாளிகளின் இரத்த குளுக்கோஸ் அளவை கடுமையாக மாற்றவில்லை என்று ஒரு ஆய்வு காட்டுகிறது.
கரும்பு சாறு ஒரு சிறந்த கல்லீரல் போதைப்பொருள், பித்த அளவை சமநிலைப்படுத்துகிறது மற்றும் பெரும்பாலும் மஞ்சள் காமாலை மருந்தாக பரிந்துரைக்கப்படுகிறது என்று ஆயுர்வேத கோட்பாடுகள் தெரிவிக்கின்றன.
குறிப்பு: ஒவ்வொரு நாளும் ஒரு தம்ளர் கரும்புச்சாறை எலுமிச்சை சாறு கலந்து சாப்பிடுங்கள்.
