NASA Update நிலவில் 4G நெட்வொர்க்..! அசத்தும் NASA, Nokia..!

NASA Update நிலவில் 4G நெட்வொர்க்..! அசத்தும் NASA, Nokia..!

2024 ஆம் ஆண்டில் லிஃப்டாஃப்க்கு திட்டமிடப்பட்டுள்ள ஆர்ட்டெமிஸ் மிஷனை சந்திரனுக்கு அனுப்ப நாசா தயாராகி வருகிறது. இதற்காக, நாசாவிற்கு திறமையான மற்றும் நம்பகமான தகவல் தொடர்பு அமைப்பு தேவைப்படும். அதன் காரணமாக, நாசா நோக்கியாவுடன் கூட்டு சேர்ந்துள்ளது. நோக்கிய நிறுவனம் சந்திரனில் 4 ஜி LTE செல்லுலார் நெட்வொர்க்கை உருவாக்கி வழங்கும்.

நிலவில் (Moon) ஒரு தளத்தை உருவாக்குவதற்கும், அங்கு மனித இருப்பைத் தக்கவைத்துக்கொள்வதற்குமான தனது 2028 இலக்கை அடைய, நாசா, நிலவில் தொழில்நுட்பத்திற்கான சூழலை உருவாக்க, ஒரு டஜன் நிறுவனங்களுக்கு 370 மில்லியன் டாலர்களை வழங்கியது.

NASA Update

அந்த கண்டுபிடிப்புகளில் தொலை மின் உற்பத்தி, கிரையோஜெனிக் முடக்கம், ரோபாட்டிக்ஸ், பாதுகாப்பான தரையிறக்கம் மற்றும் 4 ஜி ஆகியவை அடங்கும். 4ஜி இணைப்பு இல்லாவிடில், விண்வெளி வீரர்கள் நிலவில் தாங்கள் ஆடும் கோல்ஃப் ஷாட்களையும் லூனார் ரோவர் செல்பிகளையும் எப்படி ட்வீட் செய்வார்கள்? யோசிக்க வேண்டிய விஷயம்தான்!!

நிலவில் தற்போதுள்ள வானொலி தரங்களை விட 4 ஜி அதிக நம்பகமான, நீண்ட தூர தகவல்தொடர்புகளை வழங்க முடியும் என்று நாசா கூறுகிறது. பூமியைப் போலவே, 4 ஜி (4G) நெட்வொர்க் நிலவிலும் இறுதியில் 5 ஜி ஆக மேம்படுத்தப்படும். இந்த திட்டத்திற்காக நோக்கியாவின் (Nokia) (NOK) பெல் லேப்ஸுக்கு 14.1 மில்லியன் டாலர் வழங்கப்பட்டது. முன்பு AT&T ஆல் இயக்கப்பட்ட பெல் லேப்ஸ், 4G-LTE நெட்வொர்க்கை உருவாக்க விண்வெளிப் பயணம் பொறியியல் நிறுவனமான இண்ட்யூடிவ் மெஷின்சுடன் கூட்டுசேரும்.

4 ஜி நிலவில் பூமியை விட நன்றாக இயங்கும். ஏனெனில், அங்கு 4 ஜி சிக்னலில் தலையிட எந்த மரங்களும், கட்டிடங்களும், டிவி சிக்னல்களும் இருக்காது என சிலர் வேடிக்கையாக சொல்லிக்கொண்டிருக்கிறார்கள். நிலவின் செல்லுலார் நெட்வொர்க் நிலவின் மேற்பரப்பின் சூழல்களைத் தாங்கும் வகையில் சிறப்பாக வடிவமைக்கப்பட்டுள்ளது. தீவிர வெப்பநிலை, கதிர்வீச்சு மற்றும் விண்வெளியின் வெற்றிடம் ஆகியவற்றிற்கு இது ஈடு கொடுக்கும். ராக்கெட்டுகள் நிலவின் மேற்பரப்பில் கணிசமான அதிர்வை ஏற்படுத்தினாலும், நிலவி ஏற்படும் தரையிறக்கங்கள் மற்றும் ஏவுதல்களின் போது இந்த சிக்னல் தொடர்ந்து செயல்படும்.

விண்வெளி வீரர்கள் வயர்லெஸ் நெட்வொர்க்கை தரவு பரிமாற்றம், சந்திர ரோவர்களைக் கட்டுப்படுத்துதல், சந்திர புவியியல் மீது நிகழ்நேர வழிசெலுத்தல் (சந்திரனுக்கான கூகிள் மேப்ஸை நினைத்துப் பாருங்கள்) மற்றும் உயர்-வரையறை வீடியோவின் ஸ்ட்ரீமிங் ஆகியவற்றிற்கு பயன்படுத்துவார்கள் என்று பெல் லேப்ஸ் தெரிவித்துள்ளது. இது பூமியில் உள்ளவர்களுக்கு விண்வெளி வீரர்களின் நிலவு பாய்ச்சலை காண்பிக்கும்.

Also Read: NASA Perseverance Rover செவ்வாய் கிரகத்தில் வானவில்லை படம்பிடித்ததா..? வைரலாகும் புகைப்படம்..!

நிலவில் எல்டிஇ நெட்வொர்க் அமைப்பது தொடர்பாக நோக்கியா முயற்சி மேற்கொள்வது இது புதிதல்ல. ஏற்கனவே 2018ஆம் ஆண்டில் அப்போலோ 17 விண்கலம் தரையிறங்கும் போது, ஜெர்மன் விண்வெளி நிறுவனமான PTScientists மற்றும் இங்கிலாந்தை தளமாகக் கொண்ட வோடபோனுடன் நோக்கியா கை கோர்த்தது என்பது கவனிக்கத்தக்கது.