Mobile Phone: செல்போனை வைக்க கூடாத 7 இடங்கள் என்னென்ன..?
How to Keep Your Mobile Safe: செல்போனை வைக்க கூடாத 7 இடங்கள் என்னென்ன..?
தற்போதைய காலத்தில் செல்போன் என்பது அடிப்படையான ஒன்றாக அமைந்துவிட்டது.
Mobile Phone:
கொரனா காலத்திற்கு பிறகு, கல்வி மற்றும் அலுவலக வேலை சார்ந்த அனைத்து விஷயங்களுக்கும் செல்போன் முக்கிய பங்கு வகிக்கின்றன.
செல்போனை போகுமிடமெல்லாம் கொண்டு செல்ல வேண்டிய கட்டாயச் சூழலுக்குப் பலரும் தள்ளப்பட்டிருக்கிறோம்.
ஆனால், பல்வேறு சுகாதாரத்துறை ஆராய்ச்சியாளர்கள் மற்றும் மருத்துவர்கள் சில இடங்களில் போனை வைத்துக் கொள்ள கூடாது என்று குறிப்பிடுகின்றனர்.
ஏன் அங்கு வைக்கக்கூடாது? மீறி வைத்தால் என்ன விளைவுகள் ஏற்படும் என்று பார்க்கலாம்.
அனைவரும் செல்போனை சட்டைப்பையில் வைப்பது என்பது இயல்பான ஒன்றாகும்.
எளிதாக போகுமிடமெல்லாம் எடுத்து செல்வதற்கு பயனுள்ளதாக இருக்கிறது என்பது நாம் அறிந்த ஒன்றாகும்.
ஆனால், பையில் போனை வைப்பது என்பது ஆபத்தானது.
செல்போன் ஆன் ஆகி இருக்கும் பொழுதும் சரி, வைபை போன்ற பொது இடங்களில் இணைய வசதியுடன் உங்களது போன் தொடர்பில் இருக்கும் பொழுதும் சரி, உங்கள் போனானது அதிக கதீர்வீச்சினை வெளியிடும்.
ஏற்கனவே சட்டைப்பையில் இருக்கும் உங்களது செல்போன் வெளியிடும் கதிர்வீச்சுகளால் உங்கள் உடலுக்கு பாதிப்பு ஏற்பட வாய்ப்பு இருக்கிறது.
புற்று நோயை ஏற்படுத்தக் கூடிய ஆற்றலானது செல்போன் வெளியிடும் கதிர்வீச்சுக்கு இருக்கிறது.
பர்ஸ் மற்றும் பேக் போன்றவற்றில் செல்போன் வைத்திருக்கும் பொழுது வெளியிடும் கதிர்வீச்சின் அளவினை விட சட்டை மற்றும் பேண்ட் பாக்கெட்டில் வைத்திருக்கும் பொழுது ஏழு மடங்கு அதிக கதிர்வீச்சினை உமிழ்கிறது.
விளையாட்டு சமயங்களில் சாக்ஸ் மற்றும் ஸ்போர்ட்ஸ் ப்ரா போன்ற உள்ளாடைகளில் செல்போனை வைத்திருப்பது இயல்பான ஒன்றாகும்.
ஆனால், இயல்பாகவே விளையாட்டு சமயங்களில் ஏற்படும் வியர்வையின் காரணமாக உள்ளாடைக்குள் இருக்கும் செல்போனினால் தோல் அலர்ஜி ஏற்படுத்தும் பாக்டீரியாக்கள் தாக்குதல் ஏற்பட காரணமாக இருக்கின்றன.
ஆபத்துகள் அதிகம்:
தூக்கத்தின் பொழுது உங்களுக்கு அருகில் போனை வைத்திருப்பது ஆபத்தானது.
குறிப்பாக, தலைக்கு அருகவே சார்ஜ் போட்டுவிட்டு தூங்கும் பழக்கத்தின் பொழுது அதில் இருக்கும் எல்இடி வெளிச்சத்தின் காரணமாக தூக்கத்துக்கான சுரப்பி உருவாகுவதில் பாதிப்பு ஏற்படுவதால் தூக்கமின்மை போன்ற பிரச்சனைகள் வருகின்றன.
செல்போனுக்கு சார்ஜ் போட்டுக் கொண்டே உபயோகிப்பது என்பது கட்டாயமாக தவிர்க்க வேண்டியது ஆகும்.
மேலும், 100% சார்ஜ் ஆனதற்கும் பிறகு தொடர்ந்து சார்ஜ் போடுவதை தவிர்க்க வேண்டும்.
அது உங்கள் செல்போனை பாதிப்பதுடன் பேட்டரியின் செயல்பாட்டிலும் பாதிப்பை உருவாக்கும்.
இதனால் உங்களுக்கு உடலுக்கு பிரச்சனையை தாண்டி பொருளாதார பிரச்சனைக்கும் வழி வகுக்கும்.
முகத்திற்கு அருகே போனை வைத்து பேசிக் கொண்டிருந்தால் பாக்டீரியாக்கள் உருவாகி முகத்தினை தாக்கும்.
அதனால், முகப்பரு, தோல் அரிப்பு போன்ற பிரச்சனைகள் ஏற்படுகின்றன.
எனவே, ஹெட்போன் போன்றவற்றினை பயன்படுத்துவதன் மூலம் முகத்திலிருந்து சில தூரங்களில் வைத்துக் கொள்ள முடியும்.
சிலர் செல்லும் இடமெல்லாம் போனை தூக்கி செல்வதால் சமையலறை, கார் டேஷ்போர்ட் போன்ற இடங்களில் போனை கொண்டு செல்கின்றனர்.
இது ஆபத்தானதாகும். சூடான இடங்களில் போன் ஆட்டொமெட்டிக்காக சூடாகி பேட்டரி செயல் இழப்பதுடன் அதனை பயன்படுத்துவதால் நமக்கும் சூட்டினை பரப்புகிறது.
ரோடு, பீச் போன்ற சூரிய வெளிச்சம் நேரிடையாக போனில் படும் இடங்களில் செல்போனை பயன்படுத்தக் கூடாது.
அது செல்போன் டிஸ்பிளேவை பாதிப்பினை ஏற்படுத்துவதுகின்றது. மேலும், செல்போன் உடனடியாக சூடாகி விடுகின்றன.
செல்போனை பாத்ரூமில் வைத்து பயன்படுத்த கூடாது என்று சர்வதேச ஆய்வுகள் சொல்கின்றன.
ஏனெனில், பாத்ரூமில் இருக்கும் பாக்டீரியா மற்றும் வைரஸ் ஆகியவை செல்போனில் தங்கி விடுகின்றன.
Also Read: Why Sleeping is Not Coming: தூக்கத்தை இழப்பதால் ஏற்படும் உடல்நலப் பிரச்சனைகள்..!
இதனை நாம் பயன்படுத்தும் பொழுது கை மற்றும் காதின் வழியாக அவை உடலுக்குள் சென்றுவிடக் கூடிய ஆபத்துகள் அதிகம் இருக்கின்றன.
