Lemon Water Benefits: சளி பிடித்திருக்கும்போது எலுமிச்சை பழம் சாப்பிடலாமா..?

Lemon Water Benefits: சளி பிடித்திருக்கும்போது எலுமிச்சை பழம் சாப்பிடலாமா..?

சிலர் சளி பிடித்திருக்கும் சமயத்தில் எலுமிச்சை பழம் கலந்த உணவு, எலுமிச்சை ஜூஸ் என உட்கொள்வது தவறு என கூறுவார்கள். ஏனெனில் எலுமிச்சை பழம் சளியை மேலும் அதிகரிக்கும் என எச்சரிப்பார்கள். இது உண்மையா..?

சில ஆய்வு முடிவுகளை ஆராய்ந்த போது எலுமிச்சையில் வைட்டமின் C இருப்பதால் சளிக்கும், நோய் எதிர்ப்பு சக்திக்கும் நல்லது என பரிந்துரைக்கின்றனர்.

Lemon Water Benefits:

எலுமிச்சை வைட்டமின் C மட்டுமல்லாது ஆண்டி ஆக்ஸிடண்ட், ஆண்டி வைரல், ஆண்டி பாக்டீரியல் என பல வகையான மருத்துவ குணங்களைக் கொண்டுள்ளது.

அதுமட்டுமன்றி பொட்டாசியம் அதிக அளவில் இருப்பதாலும் உடலுக்குத் தேவையான சில மினரல் சத்துக்களும் உள்ளதால் சிறுநீரகத்திற்கு மிகவும் நல்லது.

அதேபோல் உடலின் pH அளவை சீராக்கி சமநிலைப்படுத்துவதால் சளி மற்றும் இருமலுக்கு நல்லது.

தாங்க முடியாத நெஞ்சு சளி இருக்கும்போது ஒரு எலுமிச்சை பழத்தை நறுக்கி அதை தண்ணீரில் கொதிக்க வைத்து, அதோடு அரை பாதி வெங்காயமும் நறுக்கிப்போட்டு கொதிக்க வைத்து வடிகட்டி ஒரு கப் குடித்து வர குணமாகும் என பிரபல ஆயுர்வேத மருத்துவர் ஜெத்ரோ க்லோஸ் ’பேக் டு எடன்’ புத்தகத்தில் கூறியுள்ளார்.

இந்த குறிப்பு சைனஸிற்குக் கூட குணமாகும்.

அதேபோல் எலுமிச்சை சாறுடன் தேன் கலந்து குடித்து வந்தால் இருமல், தொண்டை கரகரப்பு, தொண்டை வலி போன்றவை அடங்கும்.

எந்த உணவாக இருந்தாலும் உங்கள் உடலுக்கு எந்த மாதிரியான பக்கவிளைவுகளை உண்டாக்குகிறது என்பதைப் பொருத்தே உணவின் தேர்வு இருக்க வேண்டும்.

எலுமிச்சையின் சில நன்மைகள்:

எலுமிச்சையில் பலமான சத்துக்கள் உள்ளன, அவை நல்ல ஆரோக்கியத்தைத் தக்கவைக்க கொள்ள உதவுகின்றன, மேலும் எலுமிச்சையை நிச்சயமாக நம் அன்றாட உணவின் ஒரு பகுதியாக சேர்த்து கொள்வது நல்லது.

அதிலும், அனைத்து சிகிச்சைக்கும் பயனடைய, எலுமிச்சை இயற்கையாக வளர்க்கப்பட்டிருக்க வேண்டும்.

மிக அதிக வைட்டமின் சி உள்ளடக்கத்தைக் (எலுமிச்சைகள் அதிக வைட்டமின் சி அளவைக் கொண்ட சிட்ரஸ் பழங்கள்) கொண்டுள்ளது, எலுமிச்சை ஃப்ரீ ரேடிக்கல்களை எதிர்த்துப் போராடுவதில் ஈடுபட்டுள்ள நல்ல ஆக்ஸிஜனேற்றியாகும், தீய நுண்ணுயிரிகளிடம் இருந்து நம்மைப் பாதுகாக்கிறது, ஒவ்வாமைகளைச் சமாளிக்க உதவுகிறது, நமது நோயெதிர்ப்பு மண்டலத்தை வலுப்படுத்துகிறது.

புற்றுநோயை தடுக்கும்:

புற்றுநோய்களின் உருவாக்கம் மற்றும் வளர்ச்சியை எலுமிச்சை தடுக்கிறது. சோர்வை நீக்கி புத்துணர்வு அளிக்கும் அது மட்டுமின்றி ஃபிளாவனாய்டு நிறைந்த எலுமிச்சையில் அழற்சி எதிர்ப்பு பண்புகள் உள்ளன இதனால், இதய நோய்கள் வராமல் தடுக்கிறது.

கல்லீரலுக்கு எலுமிச்சை சிறந்தது, வெதுவெதுப்பான நீரில் எலுமிச்சை சாறு கலந்து காலை உணவுக்கு முன் குடிக்கவும்.

செரிமானத்தை எளிதாக்கும் அதுமட்டுமின்றி, குமட்டல், நெஞ்செரிச்சல், வீக்கம் போன்ற பல செரிமான கோளாறுகளை குறைக்க உதவும்.

எலுமிச்சையை எவ்வாறு பயன்படுத்தலாம்?

ஃபுளூ, காய்ச்சல் அல்லது வெப்பமான காலநிலை போன்றவற்றில் எலுமிச்சை மிகவும் புத்துணர்ச்சியூட்டுகிறது. எலுமிச்சையின் சாற்றை நேரடியாகக் குடிக்கலாம் அல்லது பழச்சாறாக அருந்தலாம்.

1 லிட்டர் தண்ணீரில் சிறிது சர்க்கரையுடன் இரண்டு துண்டுகளாக்கப்பட்ட எலுமிச்சை பழங்களைத் தோலுரித்து பிழிந்து, கலக்கி குடியுங்கள். உங்களுக்கு இந்த கோடை காலத்தில் புத்துணர்வு அளிக்கும்.

நோயெதிர்ப்பு அதிகரிக்கும்:

சுத்திகரிப்பு மற்றும் கிருமி நாசினியாக உள்ளதால், எலுமிச்சையை தொற்று நோய்களுக்கு சிகிச்சையளிக்க பயன்படுத்தப்படலாம்.

ஒரு ஸ்பூன் தேனுடன் சூடான எலுமிச்சை சாறு குடித்தால் ஜலதோஷம், காய்ச்சல் மற்றும் மூச்சுக்குழாய் அழற்சிக்கு தீர்வு அளிக்கும்.

மேலும், பொதுவான குளிர்கால நுண்ணுயிரிகளை எதிர்த்துப் போராட நமது நோயெதிர்ப்பு அமைப்புக்கு எலுமிச்சை உதவுகிறது.

Also Read: Broccoli Benefits for Health: ஆரோக்கிய நன்மைகள் நிறைந்த ப்ராக்கோலி..!

எலுமிச்சை டையூரிடிக் விளைவைக் கொண்டுள்ளது, வாத நோய் மற்றும் கீல்வாதம் காரணமாக ஏற்படும் வலியை ஆற்ற எலுமிச்சை உதவுகிறது.